في فرق كبير بين العصفورة اللي شغلانتها تنقل الكلام وتوقع الناس ببعض
وبين الشخص اللي يعتمد عليه 👌🏿
العصفورة بتتكلم علشان تثبت وجودها
لكن الشخص اللي يعتمد عليه بيتكلم علشان يحمي الشغل
في كل فريق فيه النوعين
واحد أول ما يسمع حاجة يجري يحكي
وواحد تاني لما يحصل خلل يقولك أنا جاهز
من غير دوشة ولا شماعات
الفرق الحقيقي بينهم إن الأول بيشتغل باللسان
والتاني بيشتغل بالفعل
ودي قيمة لازم نحافظ عليها في أي بيزنس أو فريق
إنك تبقى الشخص اللي الناس تثق فيه
مش اللي الناس تاخد حذرها منه
الشغل محتاج ناس أول ما يقولهم المدير في مشكلة
يردوا بـ حاضر اتصرفنا
مش ناس أول ما يسمعوا كلمة مشكلة
يبقوا أول سبب فيها
“ الاعتماد والثقة في الناس الصح هو اللي بيحرك أي بيزنس لقدام ”
